Қазақстан құрамасының теннисшілері Елена Рыбакина мен Юлия Путинцева Ұлыбритания астанасы Лондонда өтіп жатқан WTA 500 санатындағы ірі турнирдің ширек финалына шықты.
Спортшылар жұптық сайыста сәтті өнер көрсетуде.
Рыбакина мен Путинцева 1/8 финал кезеңінде испаниялық Кристина Букша мен бразилиялық Беатрис Хаддад Майя жұбын жеңді.
Кездесу 6:3, 5:7, 10:6 есебімен аяқталды.
Жартылай финалға шығу үшін Елена мен Юлия нидерландтық Деми Схюрс пен америкалық Эйжи Мухаммадқа қарсы ойнайды.