Қазақстан құрамасы жаңартылған FIFA рейтингінде бір сатыға төмен түсті, деп хабарлайды Vesti.kz.
2026 жылғы әлем чемпионатына іріктеу аясында өткен маусым айындағы ойындардан кейін Халықаралық футбол федерациясы (FIFA) жаңартылған рейтингті жариялады.
Football-ranking порталының мәліметінше, Қазақстан құрамасы 113-орыннан 114-орынға сырғыды. Қазіргі уақытта Али Алиевтің шәкірттері Вьетнам (113) мен Мадагаскардың (115) ұлттық құрамаларының арасында тұр.
Бұл төмендеудің басты себебі Қазақстанның 9 маусым күні Астанада өткен Солтүстік Македониямен ойында ұтылып қалуы болып отыр. Іріктеу турнирінің 4-туры аясындағы бұл матч 0:1 есебімен алаң қонақтарының пайдасына аяқталды.
Жарнама