Таиландтың Бангкок қаласында өтіп жатқан Thailand Open-2025 халықаралық бокс турнирінде қазақстандық былғары қолғап шебері Диас Молжігітов финалға жолдама алды, деп хабарлайды Vesti.kz.
Финалда екі қазақ бір-бірімен айқасады
80 келіге дейінгі салмақтағы жартылай финалда ол қырғызстандық Омурбек Бекжигит-Уулумен кездесіп, төрешілердің ортақ шешімімен (5:0) жеңіске жетті.
Осылайша, Молжігітов финалға жолдама алып, Қытай құрамасында өнер көрсететін этникалық қазақ Тоқтарбек Танатқанмен кездеседі. Тоқтарбек жартылай финалда өзбекстандық Самандар Жалоловты екі мәрте нокдаунға түсіріп, жеңіске жеткен болатын.
Диас Молжігітов – 22 жасқа дейінгі Азия чемпионатының жеңімпазы және ересектер арасындағы құрлықтық біріншіліктің күміс жүлдегері.
Ал Омурбек Бекжігіт-улы – студенттер арасындағы әлем чемпионы, Азия чемпионы және 22 жасқа дейінгі құрлықтық біріншіліктің жеңімпазы.
Жарнама