Орта салмақтағы ирландиялық боксшы Аарон Маккена (20-0, 10 КО) қазақстандық чемпион Жәнібек Әлімханұлын (17-0, 12 КО) жекпе-жекке шақырды, деп хабарлайды Vesti.kz.
Жәнібек қана емес барлық чемпионды шақырдыСауд Арабиясының суперинвесторы Турки Әл аш-Шейх екінші орта салмақта абсолют чемпион Сауль Канело Альварес (63-2-2, 39 КО) пен бірінші орта салмақта WBA титулына ие америкалық Теренс Кроуфордтың (41-0, 31 КО) арасындағы айқастың өтетін күні мен орнын ресми түрде жариялады.
Бұл құлақтандырудан кейін көптеген боксшылар бокс кешінің андеркардында өнер көрсетуге қызығушылық танытты. Солардың бірі - ирландиялық Аарон Маккена.
Ол бірден үш чемпионға, соның ішінде Жәнібек Әлімханұлына ашық түрде жекпе-жекке шақыру тастады.
"Мен Жәнібекпен (Әлімханұлы), (Карлос) Адамеспен немесе (Эрисланди) Ларамен - орта салмақтағы кез келген әлем чемпионымен кездесуге дайынмын. Бұл жекпе-жекті Канело мен Кроуфордтың кардында ұйымдастырайық!" – деп жазды Маккена X әлеуметтік желісінде.
Бұған дейін Ааронды мұндай қарсыластармен жекпе-жекке шығу қауіпті болуы мүмкін деп ескертілген еді.
Еске салсақ, Канело - Кроуфорд жекпе-жегі 13 қыркүйекте Лас-Вегаста өтеді және бұл кездесу жылдың басты оқиғаларының бірі болмақ.